Депозиттерди коргоосистемасынын маселелери боюнча банктар тарабынан аманатчыларга маалымат берүү тартиби жөнүндө сунуштар

ДЕПОЗИТТЕРДИ КОРГОО СИСТЕМАСЫНЫН МАСЕЛЕЛЕРИ БОЮНЧА БАНКТАР ТАРАБЫНАН АМАНАТЧЫЛАРГА МААЛЫМАТ БЕРҮҮ ТАРТИБИ ЖӨНҮНДӨ СУНУШТАР

Кыргыз Республикасынын Депозиттерди коргоо боюнча агенттигинин

«Банктардын, микрофинансылык компаниялардын жана турак жай-сактык кредиттик компаниялардын аманатчыларга депозиттерди коргоо тутумунун маселелери боюнча маалымат берүү тартиби жөнүндө» рекомендацияны бекитүү тууралуу» 2021-жылдын 15-декабрындагы № 05-07/68 буйругу

Кыргыз Республикасынын Депозиттерди коргоо боюнча агенттигинин локалдык ички документтерин “Банктык аманаттарды (депозиттерди) коргоо жөнүндө” Кыргыз Республикасынын Мыйзамына ылайык келтирүү максатында

БУЙРУК КЫЛАМ:

1. Депозиттерди коргоо системасынын маселелери боюнча банктар, микрофинансылык компаниялар жана турак жай-сактык кредиттик компаниялардын аманатчыларга маалымат берүү тартиби жөнүндө тиркелген Сунуштар бекитилсин.

2. Кыргыз Республикасынын Депозиттерди коргоо боюнча агенттигинин (мындан ары — Агенттик) коомчулук менен байланыш жана кабар берүү секторунун коомчулук менен байланыштар боюнча менеджери жогоруда көрсөтүлгөн рекомендациялардын көчүрмөлөрүн депозиттерди коргоо системасынын реестринде катталган бардык коммерциялык банктарга, микрофинансылык компанияларга жана турак жай-сактык кредиттик компанияларга жөнөтүүнү камсыз кылсын.

3. Агенттиктин аткаруучу директорунун 2017-жылдын 10-июлундагы No 24 буйругу күчүн жоготту деп табылсын.

4. Бул буйруктун аткарылышын контролдоону өзүмө калтырам.

Аткаруучу директор                                                                             Э.Мурзабеков

————————————————————————————

БЕКИТИЛДИ

Кыргыз Республикасынын

Депозиттерди коргоо боюнча

агенттигинин

аткаруучу директорунун

2021-жылдын 15-декабрындагы

№ 05-07/68 буйругу

Банктар, микрофинансылык компаниялар жана турак жай-сактык кредиттик компаниялардын депозиттерди коргоо системасы боюнча аманатчыларга маалымдоо тартиби жөнүндө

СУНУШТАР

1. Жалпы жоболор

1.1 Депозиттерди коргоо маселелери боюнча банктарга, микрофинансылык компанияларга жана аманатчылардын турак жай-сактык кредиттик компанияларына маалымдоо тартиби жөнүндө сунуштар (мындан ары — Сунуштар) Кыргыз Республикасынын Депозиттерди коргоо боюнча агенттиги (мындан ары — Агенттик) «Банктык аманаттарды (депозиттерди) коргоо жөнүндө» Кыргыз Республикасынын Мыйзамынын (мындан ары — Мыйзам) 22-беренесинин 1-бөлүгүнүн 2-пунктуна ылайык иштеп чыккан, ага ылайык депозиттерди коргоо системасынын банктар-катышуучулары, микрофинансылык компаниялар-катышуучулары жана турак жай-сактык кредиттик компаниялар-катышуучулары депозиттерди коргоо системасы жөнүндө жана банк, микрофинансы компаниясы жана турак жай-сактык кредиттик компаниясы депозиттерди кабыл алган башка жерлерде, ошондой эле интернет булактарында, социалдык тармактарда, санариптик маалымат такталарында жана жарнактарда банктын, микрофинансылык компаниянын жана турак жай-сактык кредиттик компаниясынын ага катышуусу жөнүндө маалыматты жайгаштырууга милдеттүү.

1.2. Бул Сунуштардын максаты аманатчылардын жана өлкөнүн калкынын депозиттерди коргоо системасына жана банктын, микрофинансылык компаниянын, турак жай-сактык кредиттик компаниясынын калктын акча каражаттарын тартуу боюнча операцияларына карата оң көз карашын жана ишенимин калыптандыруу болуп саналат.

1.3. Бул Сунуштама банктар-катышуучуларга, микрофинансылык компаниялар-катышуучуларга, турак жай-сактык кредиттик компаниялары-катышуучуларга депозиттердин коргоо системасы жөнүндө өлкөнүн аманатчыларын жана калкын маалымдоо боюнча уюштуруучулук жана техникалык жардам көрсөтүүнүн жалпы тартибин жана сунуштарын белгилейт.

1.4. Сунуштар өзгөрүп жаткан шарттарды жана жаңы талаптардын пайда болушу менен улам каралып турушу мүмкүн.

1.5. Сунуштарда колдонулган терминдер жана аныктамалар Мыйзамда берилген терминдерге жана аныктамаларга ылайык келет.

2. БУЛ СУНУШТА КОЛДОНУЛГАН АНЫКТАМАЛАР ЖАНА ТЕРМИНДЕР

Бул Сунуштардын максаттары үчүн «Банктык аманаттарды (депозиттерди) коргоо жөнүндө» Кыргыз Республикасынын Мыйзамына ылайык төмөнкүдөй аныктамалар жана терминдер колдонулат:

Банк — Кыргыз Республикасынын банк-резиденти, ошондой эле Кыргыз Республикасынын мыйзамдарына ылайык түзүлүүчү жана Улуттук банк тарабынан лицензияланууга жаткан (лицензиясы бар) четөлкөлүк банктын филиалы.

Банк-катышуучу — ушул Мыйзамга ылайык банктардын реестрине кирүүчү банк.

Турак жай-сактык кредиттик компания — айрым банк операцияларын жүргүзүүгө укук берүүчү Улуттук банктын лицензиясы бар, банктык эмес финансылык-кредиттик уюм, анын иши аманатчылардын акча каражаттарын турак жай-сактык аманаттарына (депозиттерге) топтоого жана аманатчыларга жекече курулуш үчүн жана турак үйлөрдү (батирлерди) сатып алуу же турак жай шарттарын жакшыртуу, анын ичинде мамлекеттик турак жай программаларынын алкагында жакшыртуу үчүн кредиттерди берүүгө багытталган.

Турак жай-сактык кредиттик компания-катышуучу — ушул Мыйзамга ылайык турак жай-сактык кредиттик компаниялардын реестрине кирүүчү турак жай-сактык кредиттик компания.

Микрофинансылык компания — акционердик коом формасында түзүлгөн, Улуттук банктын лицензиясын алган жана юридикалык жана жеке жактарды микрокредиттөөнү жана операциялардын башка түрлөрүн, анын ичинде жеке жана юридикалык жактардан мөөнөттүү аманаттарды тартууну жүзөгө ашыруучу адистешкен финансылык-кредиттик мекеме.

Микрофинансылык компания-катышуучу — ушул Мыйзамга ылайык микрофинансылык компаниялардын реестрине кирүүчү микрофинансылык компания.

Депозит боюнча компенсация — кепилденген учур келгенде ушул Мыйзамга ылайык аманатчыга төлөнүп берилүүчү акча суммасы.

Аманат (депозит) — бул Улуттук банктын тиешелүү лицензиясы бар банк, микрофинансылык компания тарабынан кайтарып берүү шартында (бул шарттар толук же жарым-жартылай кайтаруу же көбүрөөк сумманы кайтаруу болжолдонгонуна карабастан) аманатчыдан алынган акчанын суммасы, ошондой эле жеке ишкердин эсептешүү же депозиттик эсебинде жайгаштырылган акча каражаттарынын суммасы.

Аманатчы — банкка, микрофинансылык компанияга же турак жай-сактык кредиттик компанияга депозитин салган жеке жак жана юридикалык жакты түзбөстөн жеке ишкердик жүргүзүүчү, өз ишине байланыштуу банктык эсептерде же микрофинансылык компаниянын эсептеринде өз акча каражаттарын жайгаштырган жеке ишкер.

Ушуну менен бирге турак жай-сактык кредиттик компаниянын аманатчысы жекече курулуш үчүн, турак үй (батир) сатып алуу же турак жай шарттарын жакшыртуу үчүн кредит алуу максатында турак жай-сактык кредиттик компаниянын эсебине акча салат.

Мүчөлүк акылар — ушул Мыйзамда аныкталган тартипте жана формада кирүүчү, адепки, календардык жана чукул мүчөлүк акылар түрүндө депозиттерди коргоо фондун түзүү үчүн багытталган акча каражаттары.

Депозиттерди коргоо (депозиттерди коргоо системасы) — ушул Мыйзамда жөнгө салуучу укук мамилелеринин чөйрөсү.

Кепилденген депозит — ушул Мыйзамдын талаптарына ылайык, кепилденген учур келгенде компенсацияланууга жаткан, банк-катышуучунун, микрофинансылык компания-катышуучунун жана турак жай-сактык кредиттик компания-катышуучунун аманатчысынын депозиттик эсебинде жайгаштырылган акча каражаты.

Банктардын реестри — депозиттерди коргоо системасынын банк-катышуучуларынын тизмеси.

Микрофинансылык компаниялардын реестри — микрофинансылык компаниялардын — депозиттерди коргоо системасынын катышуучуларынын тизмеги.

Турак жай-сактык кредиттик компаниялардын реестри — турак жай-сактык кредиттик компаниялардын — депозиттерди коргоо системасынын катышуучуларынын тизмеги.

Депозиттерди коргоо системасынын катышуучусу —«Банктык аманаттарды (депозиттерди) коргоо жөнүндө» Кыргыз Республикасынын Мыйзамына ылайык депозиттерди коргоо системасынын катышуучулар реестрине киргизилген банк, микрофинансы компаниясы, турак жай-сактык кредиттик компаниясы.

            Кепилдик учур — «Кыргыз Республикасынын Улуттук банкы, банктар жана банк иштери жөнүндө» Кыргыз Республикасынын Мыйзамына жана турак жай-сактык кредиттик компаниялардын ишин жөнгө салуу чөйрөсүндөгү мыйзамдарга ылайык, банкты же микрофинансылык компанияны, же турак жай-сактык кредиттик компанияны мажбурлап жоюу жол-жобосунун башталышы.

Депозиттерди коргоо фонду — ушул Мыйзамда белгиленген мүчөлүк акылардын эсебинен түзүлгөн жана ушул Мыйзамда белгиленген шарттарда жана тартипте депозиттерди коргоо боюнча Агенттик тарабынан башкарылуучу фонд.

3. Банктар, микрофинансылык компаниялар, турак жай-сактык кредиттик компаниялар тарабынан аманатчыларга алардын депозиттерди коргоо системасына катышуусу жөнүндө маалымдоо тартиби

3.1. Агенттик депозиттерди коргоо системасына катышуучу банктарга, микрофинансылык компанияларга, турак жай-сактык кредиттик компанияларына өздөрүнүн бардык бөлүмдөрүндө жана филиалдарында депозиттерди кабыл алуу боюнча операциялар жүзөгө ашырылып жаткан жерде, банк, микрофинансы компаниясы, турак жай-сактык кредиттик компаниясы тарабынан кардарлар үчүн кабыл алынган маалымдоо эрежелерине ылайык маалыматтык такталарына, же болбосо аманатчыларга көрүнүктүү жана оңой жеткиликтүү болгон жерлерге төмөнкүдөй материалдарды жайгаштырууну сунуштайт:

3.1.2. Агенттик тарабынан берилген банктын, микрофинансы компаниясынын жана турак жай-сактык кредиттик компаниясынын депозиттерди коргоо системасына катышуусу жөнүндө күбөлүктүн түстүү көчүрмөсүн.

3.1.3 Депозиттер боюнча кепилдик компенсацияны алуунун тартиби жана өлчөмү жөнүндө кулактандыруу же эскертме, анын ичинде кепилденген аманаттын аныктамасына кирген депозиттер, кепилденген учур жана депозиттер боюнча компенсациянын өлчөмү, ошондой эле аманатчынын депозиттер боюнча компенсация алуу үчүн Агенттикке кайрылуу тартибин жана Мыйзамга ылайык компенсацияларды төлөө шарттары тууралуу кыскача сыпаттаманы.

3.1.4. Агенттиктин дареги: Кыргыз Республикасынын Депозиттерди коргоо боюнча агенттиги, Бишкек ш., 720010, Москва көч., 190, 1-кабат. Интернет-сайт: www.deposit.kg; E-mail: deposit@deposit.kg; Телефондор: (0312) 456-456, 455-527

3.2. Агенттик төмөнкүлөрдү дагы сунуш кылат:

3.2.1. Аманатчыга банктын, микрофинансы компаниясынын жана турак жай-сактык кредиттик компаниясынын депозиттерди коргоо системасына катышуусу жөнүндө, ошондой эле депозиттер боюнча компенсацияларды алуунун тартиби жана өлчөмдөрү жана Агенттик жөнүндө маалымат берүүнү жана ага жазуу жүзүндө билдирүүнү (1-тиркеме);

3.2.2 Банктын, микрофинансылык компаниянын, турак жай-сактык кредиттик компаниясынын депозиттерди коргоо системасына катышуусу жөнүндө маалыматты жана “Банктык аманаттарды (депозиттер) коргоо жөнүндө” Кыргыз Республикасынын Мыйзамынын акыркы редакциясында толук текстин расмий сайтка жайгаштырууну.

4. Аманатчыларды маалымдоо боюнча уюштуруу-техникалык сунуштар

4.1. Мыйзамдын жоболорун аткаруу максатында Агенттик төмөнкүлөрдү сунуш кылат:

4.1.1. Депозиттерди коргоо системасынын катышуучуларынын реестриндеги банктын, микрофинансылык компаниянын, турак жай-сактык кредиттик компаниясынын номуру аманатчылардын назарына жеткирилсин жана аманатчыларды Агенттик тарабынан берилген тиешелүү Сертификат менен таанышууга чакыргыла.

4.1.2. Банктын, микрофинансылык компаниянын, турак жай-сактык кредиттик компаниясынын аманатчыларга депозиттерди коргоо системасына тиешелүү маселелерди түшүндүрүү үчүн жооптуу кызматкерлери, эреже катары, депозиттик эсептерди ачкан жана депозиттерди кабыл алган кызматкерлердин ичинен аныкталсын.

4.1.3. Аманатчыларга маалымдоо ишин жөнөкөйлөтүү үчүн маалыматтык билдирүүнү — депозиттерди коргоо системасы боюнча эң көп берилүүчү суроолорго жоопторду камтыган документ даярдалсын.

4.1.4. Мыйзамга ылайык корголуучу депозиттерге акча каражаттарын тартууга жеке адамдар менен келишимдерди түзүүдө келишимдердин тексттерине алардын депозити Мыйзамда каралган тартипте, өлчөмдө жана шарттарда кепилдене тургандыгы жөнүндө жоболор киргизилет.

4.1.5. Каражаттарды тартуу үчүн жеке жактар менен келишимдерди түзүүдө келишимдердин тексттерине Мыйзамга ылайык кепилдикке алынбай турган депозиттерге түз шилтеме киргизилет.

4.1.6. Аманатчылардын депозиттерди коргоо системасы боюнча суроолору боюнча банктар аманатчыларга Агенттикке телефон же электрондук почта аркылуу кайрылууну же Агенттиктин расмий сайтынан толук маалыматты алууну сунуштай алат.

5. Депозиттерди коргоо системасынын катышуучуларынын Кыргыз Республикасынын Депозиттерди коргоо боюнча агенттигинин өз алдынча чаптама белгилерин жана сунуштамалардын башка түрлөрүн пайдалануусу

5.1. Кыргыз Республикасынын Депозиттерди коргоо боюнча агенттигинде калкты маалымдоо максатында депозиттерди коргоо системасынын катышуучуларынын арасында бөлүштүрүлгөн эки түрдөгү өзү чапталма (2,3,4,5,6-тиркемелер) бар.

5.2. Агенттиктин өзү чапталма белгилеринин сыпаттамасы:

— “Кыргыз Республикасынын депозиттерин коргоо боюнча агенттиги. Бул банкта, микрофинансылык компанияда (МФК), Турак жай-сактык кредиттик компанияда (ТСКК) салынган аманаттар коргоого алынган» кыргыз тилинде (3,4,5,6-тиркемелер);

— «Агентство по защите депозитов Кыргызской Республики. Внесенные в данный банк, микрофинансовую компанию (МФК), жилищно-сберегательную кредитную компанию (ЖСКК) вклады под защитой» орус тилинде (3-тиркеме);

— Агенттиктин реквизиттерин көрсөтүү менен орус жана кыргыз тилдериндеги «Кыргыз Республикасынын Депозиттерди коргоо боюнча агенттиги – Аманатыңыздын кепилдиги» жана Кыргыз тилинде «Кыргыз Республикасынын депозиттерин коргоо боюнча агенттиги» деген төрт чарчы белги (2-тиркеме).

5.3. Агенттик депозиттерди коргоо системасынын катышуучуларына Белгилерди Сунуштарда каралган тартипте жана ыкмада колдонууну сунуштайт.

5.4. Депозиттерди коргоо системасынын катышуучусу Белгилерди пайдаланганда Белгилердин кандайдыр бир элементтерин же алардын түсүн (түс айкалышы) алып салууга, өзгөртүүгө, Белгилердин сүрөтүнө кошумча элементтерди киргизүүгө, ошондой эле пропорцияларды бурмалоого, толтурууга, Белгинин сырткы көрүнүшүн жана мазмунун аныктоочу элементтерди жана башка маңыздуу белгилерди боёп салууга/сызып таштоого жол берилбейт.

5.5. Белгилерди депозиттерди коргоо системасынын катышуучулары операциялык кассалардын айнектерине, маалымат такталарына, депозиттерди коргоо системасынын катышуучусунун жайына кире беришине, алардын банкоматтарына, жылдык отчетторуна, банк тарабынан чыгарылган банктык карталар (дебеттик жана кредиттик төлөм банктык карталары), ошондой эле банктын, микрофинансылык компаниянын жана турак жай-сактык кредиттик компаниясынын кардарлары үчүн башка маалымат сактагычтарында колдонсо болот.

5.5.1 Белгилерди операциялык кассалардын терезелерине, маалымат такталарына жана (же) депозиттерди коргоо системасынын катышуучусунун жайына кире бериште коюуда Белгилердин өлчөмүн азайтууга жол берилбейт.

5.6. Белгилерди жарнамалык максаттарда колдонууга, башкача айтканда, аларды каалаган формада (басма, электрондук жана санариптик сактагычтарында), маалыматты берүүнүн каалаган каражаттарын колдонуу менен, бирок түстүү графикалык дизайнды аныктоочу элементтерге эч кандай өзгөртүүлөрсүз жайылтууга жол берилет. Белгилердин тексттик мазмуну, депозиттерди коргоо системасынын катышуучусу, анын финансылык, инвестициялык кызматтары жана баалуу кагаздары, идеялары жана демилгелери жөнүндө маалыматтарга карата, адамдардын чексиз чөйрөсүнө карата колдонууга арналган жана банк, микрофинансылык компания, турак жай-сактык кредиттик компаниясы жана анын кызматтары/өнүмдөрү жана иш-аракеттерине кызыкчылыкты калыптаныдрууга же кызыкчылыкты туудурууга чакырылган.

5.7. Депозиттерди коргоо системасынын катышуучусу өзүнүн ишине карата Белгилерди өзүнүн сайтында, маалымат такталарында жана расмий интернет тармактарында жайгаштырууга укуктуу.

5.8. Белгилерди банктар жана депозиттерди коргоо системасынын башка катышуучулары тарабынан депозиттерди тартуу боюнча буклеттерде, брошюраларда, жарнамалык такталарда жана башка маалыматтык жана жарнамалык басылмаларда колдонуу жана жайгаштыруу сунуш кылынат.

5.9. Депозиттерди коргоо системасына кирген банктар, микрофинансылык компаниялар жана турак жай-сактык кредиттик компаниялары Агенттиктин интернет-ресурсунан макеттерди жүктөп алуу жолу менен аманатчылар үчүн буклеттерди, чаптамаларды жана ДКС жөнүндө белгилерди жана Агенттик менен катуу макулдашуу боюнча Агенттиктин маалымат китепчелерин, чаптамаларын, ДКС жөнүндө белгилерин өз алдынча жайылтууга укуктуу.

5.10. Депозиттерди коргоо системасынын мүчөсүнүн ар бир финансылык мекемесинде камсыздандырылган депозиттердин эсебин жүргүзүү сунушталат. Бул реестр финансылык керектөөчүлөргө маалымат берүү үчүн депозиттерди коргоо системасынын катышуучусу тарабынан жүргүзүлүшү керек.

5.11. Депозиттерди коргоо системасына катышуу жөнүндө маалыматты интернет-ресурстарда, социалдык тармактарда, санариптик маалымат такталарында, маалымат баракчаларында, банктын, микрофинансы компаниясынын жана турак жай-сактык компаниясынын бюллетендеринде жана жарнактарында көрсөтүү сунушталат.

5.12. Банктар-катышуучуларга депозиттерди коргоо системасына банктардын катышуусу жөнүндө маалыматты банк тарабынан чыгарылган банктык карттарга жайгаштыруу жана депозиттерди коргоо системасы жөнүндө маалыматты банкоматтардын иштөө системасына киргизүү сунушталат.

5.13. Депозиттерди коргоо системасынын катышуучуларына өздөрүнүн интернет-ресурстарында Агенттиктин расмий интернет-ресурстарына шилтеме берүү, ошондой эле Агенттик даярдаган ДКС жөнүндө видео жана аудио роликтер жөнүндө маалыматты банктардын, микрофинансылык компаниялардын жана турак жай-сактык кредиттик компанияларынын маалымат жана телекоммуникациялык тармактарында, ошондой эле калктын жана аманатчылардын депозиттерди коргоо системасына ишенимин жогорулатуу үчүн телерадиодо, ички тармактарда, электрондук таблодо ж.б. жайгаштыруу сунушталат.

5.14. Депозиттерди коргоо системасынын катышуучуларына депозиттерди коргоо системасы боюнча лекцияларды өздөрүнүн окуу планына же окуу планына киргизүү сунушталат, алар Агенттик тарабынан on-line же офлайн режиминде акысыз өткөрүлөт.

5.15. Депозиттерди коргоо тутумунун катышуучулары өз мекемелеринде жана филиалдарында Агенттиктин кызматкерлери тарабынан депозиттерди коргоо системасы боюнча акысыз онлайн жана оффлайн бетачарларды/лекцияларды өткөрүү жана уюштуруу үчүн арыздар жана кайрылуулар менен Агенттикке кайрылууга укуктуу.

5.16. Депозит системасынын катышуучулары калктын жана аманатчылардын финансылык сабаттуулугун жогорулатуу боюнча алардын иш-чараларына катышуу үчүн Агенттиктин кызматкерлерин акысыз негизде чакырууга укуктуу.

6. Депозиттерди коргоо системасы боюнча Кыргыз Республикасынын ченемдик укуктук актылары.

Калктын банк тутумуна болгон ишенимин бекемдөө, аманатчылардын депозиттерди коргоо системасына оң көз карашын калыптандыруу максатында калктын финансылык жактан кабардар болуусун жогорулатууга көмөктөшүү максатында Агенттик төмөнкү ченемдик укуктук актыларды колдонууну сунуштайт:

— «Улуттук банк, банктар жана банк иши жөнүндө» Кыргыз Республикасынын Мыйзамы жана ага ылайык кабыл алынган мыйзам алдындагы актылар;

— «Банктык аманаттарды (депозиттерди) коргоо жөнүндө» Кыргыз Республикасынын Мыйзамы жана ага ылайык кабыл алынган мыйзам алдындагы актылар, ошондой эле сунуштар жана усулдук көрсөтмөлөр.

1-тиркеме

Ушуну менен мен түшүндүрмөлөрдү алганымды жана депозиттерди коргоо тутумунун абалын түшүнгөнүмдү ырастайм, атап айтканда:

— Кепилдик учур келип чыккан учурда «Банктык аманаттарды (депозиттерди) коргоо жөнүндө» Кыргыз Республикасынын Мыйзамына ылайык ар бир аманатчыга депозиттер боюнча пайыздарды кошкондо жалпы суммасы 1 000 000 сомдон ашпаган компенсация төлөнөт;

– Аманатчынын бир нече банк-катышуучуда, микрофинансылык компаниялар-катышуучуда, турак жай-сактык кредиттик компаниялары-катышуучуларында  депозити болгондо, ага карата кепилденген учуру келип чыкканда, аманатчы ар бир банктан, микрофинансылык компаниядан жана турак жай-сактык кредиттик көмпаниядан өзүнчө компенсация алууга укуктуу;

— Кыргыз Республикасынын Депозиттерди коргоо боюнча агенттиги Кыргыз Республикасындагы депозиттерди коргоо системасынын иштешин камсыз кылат жана Депозиттерди коргоо фондунун активдерин тескейт, аманатчыларга депозиттердин суммасын жана «Банктык аманаттарды (депозиттерди) коргоо жөнүндө» Кыргыз Республикасынын Мыйзамына ылайык алар боюнча кепилденген учур келгенде пайыздарды да төлөп берет;

— Депозиттерди коргоо системасы Кыргыз Республикасынын Депозиттерди коргоо боюнча агенттиги башкарып келген Депозиттерди коргоо фонду тарабынан каржыланат;

— Депозиттерди коргоо системасы боюнча кошумча маалыматты Бишкек шаары, Москва көч., 190 дарегиндеги Кыргыз Республикасынын Депозиттерди коргоо боюнча агенттигинен алууга болот. Байланыш маалыматтары: тел: (0312) 456-456, 455-527; E-mail: deposit@deposit.kg; Расмий сайты:www.deposit.kg

Жылы Айы Күнү

Кардардын аты-жөнү: ______________________(колтамгасы)

2-тиркеме

Кыргыз Республикасынын Депозиттерди коргоо агенттигинин өлчөмдөрү менен чаптамалары жана белгилери

3-тиркеме

Банк үчүн чаптамалар

4-тиркеме

Турак жай—сактык кредиттик компаниялары үчүн чаптамалар (ТСКК)

5-тиркеме

Микрофинансылык компаниялар үчүн чаптамалар (МФК)

БЕКИТИЛДИ

тартип

Кыргыз Республикасынын

Депозиттерди коргоо боюнча

агенттиктигинин

аткаруучу директорунун

2011-жылдын 20-октябрындагы түзөтүүлөр менен №2-т

2014-жылдын 19-декабрындагы № 2-т өзгөртүүлөр жана толуктоолор менен

2016-жылдын 6-январындагы № 2-т өзгөртүүлөр жана толуктоолор менен

2011-жылдын 14-январындагы № 1 тескемеси

Банктардын аманатчыларга депозиттерди коргоо системасы боюнча маалымат берүү тартиби жөнүндө
СУНУШТАР

1. Жалпы жоболор

1.1. Депозиттерди коргоо маселелери боюнча банктар тарабынан аманатчыларга маалымат берүү тартиби жөнүндө сунуштамалар (мындан ары — Сунуштар) «Банктык аманаттарды (депозиттерди) коргоо жөнүндө» Кыргыз Республикасынын Мыйзамынын (мындан ары — Мыйзам) 22-беренесинин 1-бөлүгүнүн 2-пунктуна ылайык Кыргыз Республикасынын Депозиттерди коргоо боюнча агенттиги (мындан ары — Агенттик) тарабынан иштелип чыккан, ага ылайык депозиттерди коргоо системасына катышкан банктар депозиттерди коргоо системасы жөнүндө жана банктын катышуусу жөнүндө маалыматтарды Агенттик тарабынан белгиленген формада банктын бардык бөлүмдөрүндө жана банк депозиттерди кабыл алган башка жерлерде жайгаштырууга жана бул маалыматты кардардын биринчи талабы боюнча акысыз берүүгө милдеттүү.

1.2. Бул Сунуштардын максаты аманатчылардын жана өлкөнүн калкынын депозиттерди коргоо системасына жана калктын акча каражаттарын тартуу боюнча банк операцияларына карата оң көз карашын калыптандыруу болуп саналат.

1.3. Бул Сунуштар катышуучу банктар тарабынан депозиттерди коргоо системасы жөнүндө аманатчыларды жана өлкөнүн калкын маалымдоо боюнча уюштуруучулук жана техникалык жардам көрсөтүүнүн жалпы тартибин жана сунуштарын белгилейт.

1.4. Сунуштар өзгөрүп жаткан шарттарды жана пайда болуп жаткан жаңы талаптарды эске алуу менен улап каралып турушу мүмкүн.

1.6. Сунуштарда колдонулган терминдер жана аныктамалар Мыйзамда берилген терминдерге жана аныктамаларга ылайык келет.

2. Банктардын депозиттерди коргоо системасына катышуусу жөнүндө аманатчыларга маалымат берүү тартиби

2.1. Агенттик депозиттерди коргоо системасынын катышуучу-банктарына банктын бардык бөлүмдөрүндө кардарларды банкта кабыл алынган маалымдоо эрежелерине ылайык депозиттерди кабыл алуунун жүргузүп жаткан жерлердеги маалыматтык такталарына, атайын папкаларга же болбосо аманатчылар үчүн жеткиликтүү болгон башка жерлерге төмөнкү материалдарды жайгаштырууну сунуштайт:

2.1.1. “Банктык аманаттарды (депозиттерди) коргоо жөнүндө” Кыргыз Республикасынын Мыйзамынын акыркы редакциясындагы толук текстин;

2.1.2. Агенттик тарабынан берилген банктын депозиттерди коргоо системасына катышуусу жөнүндө күбөлүктүн күбөлөндүрүлгөн көчүрмөсүн;

2.1.3. Кепилденген аманатты алуу тартиби жана өлчөмү жөнүндө кулактандыруу, китепче же маалымкат, анын ичинде кепилденген аманаттын аныктамасына кирген депозиттер, кепилдик учур жана депозиттер боюнча компенсациянын өлчөмү, ошондой эле аманатчынын салымдар боюнча каражаттарды кайтарып алуу үчүн Агенттикке кайрылуусунун жана Мыйзамга ылайык компенсация төлөөнүн шарттарынын тартиби туурасында кыскача баяндама.

2.1.4. Агенттиктин дареги: Кыргыз Республикасынын Депозиттерди коргоо боюнча агенттиги, Бишкек ш., 720010, Москва көч., 190, 1-кабат. Интернет-сайт:www.deposit.kg; Электрондук почта: azdkr@mail.ru; Телефондор: кабылдама (0312) 456-456, факс: (0312) 455527; Кыргызстанда депозиттерди коргоо системасынын маселелери боюнча акысыз «ишеним линиясынын» телефону: 0 -800-1000369 жана  Бишкек шаарында — (0312) 455-527.

3. Аманатчыларды маалымдоо боюнча уюштуруу-техникалык сунуштар

3.1. Мыйзамдын жоболорун сактоо максатында Агенттик төмөнкүлөрдү сунуш кылат:

3.1.1. Катышуучу банктардын реестриндеги банктын номуру аманатчылардын назарына жеткирилсин жана Агенттик тарабынан берилген тиешелүү Сертификат менен таанышууну сунуш кылсын;

3.1.2. Аманатчыларга аманаттарды коргоо системасына тиешелүү маселелерди түшүндүрүүгө жооптуу банк кызматкерлерин, эреже катары, банктык эсептерди ачкан жана банктык аманаттарды кабыл алган кызматкерлердин ичинен аныкталсын;

3.1.3. Аманатчыларга маалымдоо ишин жөнөкөйлөтүү үчүн маалыматтык билдирүүнү — депозиттерди коргоо системасы боюнча эң көп берилүүчү суроолорго жоопторду камтыган документ даярдалсын;

3.1.4. Мыйзамга ылайык корголуучу депозиттерге акча каражаттарын тартууга келишимдерди жеке адамдар менен түзүүдө келишимдердин тексттерине алардын депозити Мыйзамда каралган тартипте, өлчөмдө жана шарттарда кепилдене тургандыгы жөнүндө жоболор киргизилсин;

3.1.5. Каражаттарды тартуу үчүн жеке жактар менен келишимдерди түзүүдө келишимдердин тексттерине Мыйзамга ылайык кепилдикке алынбай турган депозиттерге түз шилтеме киргизилсин;

3.1.6. Аманатчылардын депозиттерди коргоо системасы боюнча суроолору боюнча банктар аманатчыларга агенттикке «ишеним телефону» аркылуу кайрылууну же Агенттиктин расмий сайтынан толук маалыматты алууну сунуштай алышат.

4. Депозиттерди коргоо системасына катышкан банктар тарабынан «Кыргыз Республикасынын Аманаттарды коргоо Агенттиги. Бул банкка салынган аманаттар коргоого алынган» кыргыз тилинде, «Агентство по защите депозитов Кыргызской Республики. Внесенные в данный банк вклады под защитой» деген орусча жазуусу бар өзү чаптама белги колдонулат.

4.1. Агенттик банктарга белгини Сунуштарда каралган тартипте жана ыкмада колдонууну сунуштайт.

4.2. Банк Белгисин пайдаланган учурда Белгинин кандайдыр бир элементтерин же алардын түсүн (түстөрдүн айкалышы) алып салууга, өзгөртүүгө, белгинин сүрөтүнө кошумча элементтерди киргизүүгө, ошондой эле Белгинин тышкы көрүнүшүн аныктоочу пропорцияларды жана башка маанилүү белгилерди бурмалоого жол берилбейт.

4.3. Белги банк тарабынан операциялык кассалардын айнектерине, маалымат такталарына, банктын имараттарына кире бериште, анын банкоматтарында, жылдык отчеттордо, банк тарабынан чыгарылган банктык карталарда, ошондой эле банктын кардарлары үчүн башка маалымат сактагычтарында пайдаланылышы мүмкүн.

Белги операциялык кассалардын терезелерине, маалымат такталарына жана (же) банктын имараттарынын кире беришине коюуда Белгинин өлчөмүн кичирейтүүгө болбойт.

4.4. Белгини жарнамалык максатта пайдаланууга, башкача айтканда, банк, анын финансылык, инвестициялык кызматтары жана баалуу кагаздары, идеялары жана аракеттери жөнүндө маалыматтардын чексиз чөйрөсүнө арналган маалыматтарды каалаган формада, кандай каражат менен болбосун жайылтууга жол берилет жана банкка жана анын ишине кызыгууну арттырууга же калыптандырууга чакырылган.

4.5. Банк Интернет тармагында өзүнүн Интернет-сайтында Белги коюуга укуктуу.

4.6. Белги банк тарабынан депозиттерди тартуу боюнча буклеттерге, брошюраларга, жарнамалык такталарга жана башка маалымат жана жарнак басма материалдарына колдонуу жана жайгаштыруу сунушталат.

5. Депозиттерди коргоо системасы боюнча Кыргыз Республикасынын 2008-2013-жылдардагы ченемдик укуктук актылары.

5.1. Агенттик калктын банк тутумуна болгон ишенимин бекемдөө, аманатчылардын депозиттерди коргоо системасына оң маанайын калыптандыруу үчүн калктын финансылык маалымдуулугун жогорулатуу максатында “2008-2013-жылдардагы депозиттерди коргоо системасы боюнча Кыргыз Республикасынын ченемдик укуктук актылары” басылмасын колдонууну сунуштайт.

5.2. Депозиттерди тартууга жооптуу банктардын кызматкерлери тарабынан калктын аманаттарын тартууда юридикалык жардам жана катышуучу банктарга маалыматтык колдоо катары колдонуу сунушталат.

5.3. Басылма кыргыз жана орус тилдеринде басылып чыккан.