Кыргыз Республикасынын Депозиттерди коргоо боюнча агенттигинин ролун мыкты чагылдыруу үчүн журналисттердин арасында сынак жарыялайбыз.
Биз журналисттерди, жеке авторлорду, басма, телевидение, радио, электрондук жана аудиовизуалдык маалымат каражаттарынын чыгармачыл топторун чакырабыз.
Сынак Жалпыга маалымдоо каражаттарынын (ЖМК) төмөнкү номинациялары боюнча өткөрүлөт:
- Басма жана интернет, социалдык тармактардагы басылмалардын эң мыкты басылма.
- Телекөрсөтүүдөгү эң мыкты материал.
- Телерадио каражаттарындагы эң мыкты материал.
Конкурска катышуу үчүн төмөнкүлөр керек:
- Видео жана аудио материалдар видео же файл хостингине жүктөлүшү керек (youtube ж.б.). Андан соң Агенттиктин электрондук почтасына аларга шилтеме жана материалдар жөнүндө кыскача маалымат жөнөтүлөт: эфирдин датасы, темасы, социалдык тармактагы баракчасы, автор тууралуу маалымат, байланыш телефондору;
- Гезит жана журнал басылмалары сканерден өткөрүлүп, pdf же jpeg форматында жана басылманын датасы, темасы, автору жана байланыш телефондору жөнүндө маалымат менен Агенттиктин электрондук почтасына жөнөтүлөт;
- Интернет-басылмаларда иштеген журналисттер, чыгармачыл топтор, жеке авторлор Агенттиктин электрондук почтасына байланыш телефондорун көрсөтүү менен Интернеттеги өз материалдарына шилтемелерди гана жөнөтүшөт.
- Бир автордун материалдарынын саны жана конкурстук иштердин көлөмү чектелбейт.
Сынакка катышуу материалдарын deposit@deposit.kg дарегине же Бишкек ш., көч. Москва 190 дареги боюнча жөнөтүлөт.
Сынак иштери 2023-жылдын 20-ноябрын кошкондо, саат 17:00гө чейин кабыл алынат.
Сынакты өткөрүү мөөнөттөрү
Сынактык материалдар 2023-жылдын 18-сентябрынан 20-ноябрына чейин жалпыга маалымдоо каражаттарында жарыяланышы керек.
Сынакты өткөрүү жана жеңүүчүлөрдү жарыялоо – 2023-жылдын 10-декабрына чейин
Сынактык материалдарды баалоо критерийлери
— баяндоонун объективдүүлүгү;
— колдонулган маалыматтардын ишенимдүүлүгү, жеткиликтүү баяндоо;
— теманын толук ачуу;
— ар түрдүү форматтар жана визуализация (мултимедиа).
Мелдештин жыйынтыгын чыгаруу жана сыйлыктар
Калыстар тобу жыйынтык чыгарып, 3 номинация боюнча үч жеңүүчүнү аныктайт.
Баардык байге фонду 300 000 сомду түзөт.
Толук маалыматты төмөнкү телефондор аркылуу алсаңыз болот:
+996 (312) 456 456 (ички 110);
+996 (997) 979 622
+996 (709) 720 201
Сынактын темалары:
- Кыргыз Республикасынын Депозиттерди коргоо боюнча агенттиги.
- Агенттиктин милдеттери, максаттары, башкаруу органдары, тарыхы;
- Агенттиктин мамлекетте кандай ролу бар?
- Кыргыз Республикасында депозиттерди коргоо кандай өнүккөн?
- Бир миллион сом компенсациянын суммасы эмнени билдирет?
- Коюган милдеттер менен иш кандай аткарылат?
- Агенттик кайсы мыйзам актыларын жетекчиликке алат?
- Кыргыз Республикасынын депозиттерди коргоо системасы деген эмне?
- Депозиттерди коргоо системасынын катышуучулары коммерциялык банктардан тышкары кайсы уюмдар боло алат?
- Бардык коммерциялык банктар депозиттерди коргоо системасынын катышуучулары болууга милдеттүүбү?
- Агенттик менен Улуттук банк кантип өз ара аракеттенет, алар кандай ченемдик укуктук документтер менен жөнгө салынат?
- Агенттиктин ишинде Кыргызстан банктар союзунун ролу кандай?
- Банктык аманаттарды коргоо (камсыздандыруу) боюнча башка өлкөлөрдүн тажрыйбасы.
- Агенттиктин, Кыргыз Республикасынын Министирлер кабинети жана Кыргыз Республикасынын Жогорку Кеңешинин орток ишинин жыйынтыгы.
- Агенттик менен Кыргыз Республикасынын Улуттук банкынын биргелешкен ишинин жыйынтыгы.
- Кыргыз Республикасынын Депозиттерди коргоо фонду.
- Кыргыз Республикасынын депозиттерди коргоо фондун түзүүнүн булактары;
- Кыргыз Республикасынын депозиттерди коргоо фондунун каражаттары кандайча жана кайда жумшалат.
- 2023-2027-жылдарга Кыргыз Республикасында Ислам экономикалык платформасын өнүктүрүү концепциясын ишке ашыруу боюнча Агенттиктин кадамдары жана көз карашы.
- исламдык каржылоо принциптерине ылайык кабыл алынган депозиттик база.
- Ислам каржылоо принциптерине ылайык кабыл алынган депозиттик базасы бар Кыргыз Республикасындагы коммерциялык банктар, алардын жалпы депозиттик базадагы үлүшү.
- Кыргыз Республикасында кантип тобокелчиликсиз акчаны үнөмдөп, көбөйтүүгө болот.
- 1 000 000 сомго чейинки депозиттер боюнча компенсация! Кыргыз Республикасындагы депозиттер үчүн компенсация кантип, кимге, качан, кайсы валютада төлөнөт?
- Башка өлкөлөрдөгү депозиттер боюнча кепилдик (камсыздандыруу) суммасы.
- Банктык аманаттарды камсыздандыруунун эл аралык практикасы. MASD (Депозиттерди камсыздандыруучулардын эл аралык ассоциациясы), депозиттерди эффективдүү камсыздандыруу системаларынын негизги принциптери.