2023-жылы 23-ноябрда Кыргыз Республикасынын Депозиттерди коргоо боюнча агенттигинин аткаруучу директору К.Дж. Букуев профессор А.Молдокулов атындагы улуттук инновациялык № 5 мектеп-лицейинин 5 “А” классынын окуучусу — Балдардын сүрөт жана кол өнөрчүлүк сынагынын жеңүүчүсү Айбике Камаловага “Молчулуктун кесеси” жасалгасы үчүн эстелик белектерди тапшырып кетти.
Агенттиктин эстелик белектери жюри мыкты деп тапкан сүрөттөр үчүн ушул эле мектеп-лицейинин кийинки окуучуларына дагы тапшырылды.
Олжобаева Акылай – 4 “А” классынын окуучусу, “Бир сомго бир тыйын кепил” сүрөт үчүн;
Камалова Назия – 7-класстын окуучусу, акчалай каражаттарды туура пайдаланууну чагылдырган сүрөт үчүн.
Балдардын сүрөттөр жана кол өнөрчүлүк сынагы “Кыялдар канат байлаганда” ураан менен “Бүткүл дүйнөлүк акча топтоо – 2023” иш-чарасы алкагында өттү.
