Кыргыз Республикасынын Депозиттерди коргоо боюнча агенттигинин укуктук жолдоо жана көйгөйлүү зайымчылардын кайрылууларын кароо боюнча сектордун башкы адиси бош кызмат ордуна талапкерлерди тандоо үчүн ачык сынак жарыялайт
Квалификациялык талаптар:
- юридикалык жогорку билим;
- тиешелүү жумушта 5 жылдан кем эмес иш тажрыйба;
- Кыргыз Республикасынын мыйзамдарын билүү;
- Мыйзам чыгаруу жана ченем жаратуу иш тажрыйба;
- сотто доо коюу иштери боюнча тажрыйба;
- заманбап маалыматтык технологияларды колдонуу менен укуктук документтерди системалаштыруу, эсепке алуу жана жүргүзүү боюнча иш тажрыйба;
- жалпы мыйзамдарды билүү:
- Кыргыз Республикасынын Конституциясы;
- “Кыргыз Республикасынын мамлекеттик тили жөнүндө” Кыргыз Республикасынын Конституциялык мыйзамы;
- Кыргыз Республикасынын Эмгек кодекси;
- “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамы;
- Кыргыз Республикасыны мыйзам алдындагы актыларынын долбоорлорун иштеп чыгуу боюнча нускама;
- Кыргыз Республикасында иш кагаздарын жүргүзүү боюнча
типтүү нускама; - предметтик мыйзамдарды билүү:
- “Банктык аманаттарды (депозиттерди) коргоо жөнүндө” Кыргыз Республикасынын Мыйзамы;
- “Кыргыз Республикасынын Улуттук банкы жөнүндө” Кыргыз Республикасынын конституциялык Мыйзамы;
- “Банктар жана банк иштери жөнүндө” Кыргыз Республикасынын Мыйзамы;
- кызматтык милдеттерин аткаруу үчүн зарыл болгон деӊгээлде мамлекеттик жана расмий тилдерди билүү;
- компьютердик жактан сабаттуу жана оргтехника менен иштөөнү билүү,
Шарттар:
- Кыргыз Республикасынын Эмгек кодексине ылайык ишке орноштуруу;
- сыноо мөөнөтү аӊгемелешүүнүн жыйынтыгы менен белгиленет;
Милдеттер:
— Агенттиктин ишинде мыйзамдуулукту сактоо боюнча жумуш аткарат жана анын укуктук кызыкчылыктарын коргойт;
— Агенттиктин иши жана депозиттерди коргоо системасы маселелерин жөнгө салуучу ченемдик-укуктук актылар долбоорлорун иштеп чыгуу жолу менен Агенттиктин ченемдик-укуктук базасын өркүндөтүү боюнча жумуштарды жүргүзөт;
— Агенттикте даярдалып жаткан буйруктар, нускамалар, жоболор, стандарттар жана укуктук мүнөздөгү башка актылар долбоорлоруна укуктук экспертиза жүргүзөт, аларга жоопкерчилигин ырастап кол коёт, ошондой эле зарыл болгон учурларда ушул документтерди даярдоого катышат;
— Агенттикте мыйзамдарды бузуу менен чыгарылган актыларды өзгөртүү же жокко чыгаруу боюнча чараларды кабыл алат;
— Агенттиктин ишинде, ошондой эле макулдашууга келип түшкөн ченемдик укуктук актылардын долбоорлорунда пайда болуп жаткан укуктук маселелер боюнча корутундуларды даярдайт;
— Агенттиктин жетекчилигинин тапшырмасы боюнча укуктук маселелерди кароодо Агенттиктин кызыкчылыктарын сотто, ошондой эле мамлекеттик жана кооомдук уюмдарда коргойт;
— Агенттиктин кызматкерлерине колдонуудагы мыйзамдар жөнундө маалымат берет, ошондой эле Агенттиктин кызмат адамдары тарабынан алардын ишине таандык ченемдик-укуктук актыларды изилдөө боюнча жумуштарды уюштурат;
— Агенттиктин кызматкерлерине укуктук маселелер боюнча консультация берет;
Сынакка катышуу үчүн төмөнкү документтерди тапшыруу керек:
- кадрларды эсепке алуу баракчасы (сүрөтүменен);
- өмүр баян;
- резюме;
- паспорттун көчүрмөсү;
- тиешелүү кесиптик билимин, иш тажрыйбасын жана квалификациясын тастыктоочу документтер (билими, квалификациясын жогорулатуу тууралуу документтердин, эмгек китепчесинин көчүрмөлөрү);
- аскердик каттоо документтеринин көчүрмөлөрү (аскер кызматына милдеттүүлөр жана аскер кызматка чакырылууга тийиш болгон адамдар үчүн);
- соттолбогондугу тууралуу маалымкат;
- сунуш каттары (эгер бар болсо).
Документтер 2025-жылдын 19-февралында иш күндөрү дүйшөмбүдөн жумага чейин, 9.00дөн 17.30га чейин (тыныгуу 12.00дөн 13.00гө чейин), Бишкек шаары, Москва көчөсү 190, 1 кабат, Кыргыз Республикасынын депозиттерди коргоо боюнча агенттигинде кабыл алынат. Сурап билүү телефону 0312 456 456