Талаптар:

• Бухгалтердик эсеп жана аудит же экономика жана финансы тармагында жогорку билим жана тиешелүү жумуш тажрыйбасы 5 жылдан кем эмес;
• Ички аудитор аткарылуучу функциялардын мүнөзүнө ылайык келген кесиптик көндүмдөргө жана квалификацияга ээ болууга, ошондой эле Кыргыз Республикасынын Каржы министрлиги тарабынан берилген ички аудитордун квалификациялык сертификатына жана/же аудит чөйрөсүндөгү кесиптик квалификациялык сертификаттарга ээ болууга тийиш.

Билимдер:

• Кыргыз Республикасынын ички аудит жана бухгалтердик эсеп жөнүндөгү мыйзамдары;
• Депозиттерди камсыздандыруучулардын эл аралык ассоциациясынын (ДКАЭА) негизги принциптери;
• Кыргыз Республикасындагы банктар жана банктык иш-аракеттер жөнүндөгү мыйзамдар;
• ички аудиттин принциптери, ички көзөмөлдүн жана тобокелдиктердин заманбап ыкмалары;
• ишкердик этикет, жумушчу топтогу мамилелер этикасы;
• эмгекти коргоо, коопсуздук техникасы, өндүрүштүк санитария жана өрткө каршы коргоо эрежелери жана ченемдери;
• эмгек тартиби эрежелери, ушул кызматтык нускама, ошондой эле Агенттиктин кызматтык милдеттерди аткарууга байланыштуу ички жоболору.

Негизги милдеттер:

• ички аудит объектисинин ички көзөмөл тутумуна көз чаптыруу жана баа берүү жана анын ишмердүүлүгүн жакшыртуу боюнча Директорлор кеңешине жана Агенттиктин аткаруучу директоруна отчетторду жана сунуштарды берүү;
• аудиттерди (анын ичинде пландан тышкаркы) жүргүзүү, ички көзөмөлдүн натыйжалуулугун баалоо, сунуштардын аткарылышын көзөмөлдөө жана отчетторду даярдоо;
• Агенттик жана анын кызматкерлери тарабынан Кыргыз Республикасынын мыйзамдарынын, ченемдик укуктук актылардын жана Агенттиктин башка ички документтеринин талаптарынын аткарылышын камсыз кылуу;
• ички аудит Агенттиктин башкаруу органдарына ички көзөмөл тутумдарынын натыйжалуулугун сактоодо жана аларды өркүндөтүүдө жардам көрсөтүүгө багытталган.

Функциялар:

• план боюнча ички аудитордук текшерүүлөрдү жүргүзүү жана башка пландан тышкаркы тапшырмаларды аткаруу;
• Агенттиктин ички көзөмөл тутумунун адекваттуулугуна жана натыйжалуулугуна баа берүү жана баанын жыйынтыгы боюнча тиешелүү сунуштарды иштеп чыгуу. Баа төмөнкү багыттар боюнча жүргүзүлөт:
• каржы-чарба ишмердүүлүгүнүн натыйжалуулугу жана эффективдүүлүгү;
• Агенттиктин мүлкүнүн сакталышын жана активдеринин сапатын камсыздоо ыкмаларын текшерүү;
• бухгалтердик (каржылык) жана башка отчеттуулуктун (тышкы жана ички) ишенимдүүлүгү, толуктугу жана өз убагында тапшырылышы;
• кепилдик учур пайда болгондо компенсацияларды төлөө тартибин текшерүү;
• ишмердүүлүктүн мыйзамдарга, ички уюштуруучулук-башкаруучулук документтерге жана стандарттарга шайкештиги;
• каржылык, бухгалтердик, башкаруучулук жана башка маалыматтардын ишенимдүүлүгүн жана жетиштүүлүгүн баалоо;
• автоматташтырылган тутумдарды колдонуудагы ички көзөмөл тутумунун ишенимдүүлүгүн аудиттөө, анын ичинде маалымат базаларынын бүтүндүгүн жана аларды уруксатсыз кирүүдөн жана/же пайдалануудан коргоону көзөмөлдөө, күтүлбөгөн жагдайлар болгон учурда иш-аракеттердин пландарынын болушу;
• бухгалтердик эсептин жана каржылык отчеттордун ишенимдүүлүгүнүн, толуктугунун, объективдүүлүгүнүн жана өз убагында тапшырылышынын аудити;
• Директорлор кеңешинин жана Агенттиктин аткаруучу директорунун (Башкармалыктын төрагасынын) тапшырмасы боюнча атайын иликтөөлөрдү жүргүзүү;
• аныкталган кемчиликтерди жана бузууларды жоюуга багытталган натыйжалуу чараларды көрүү боюнча Директорлор кеңешине жана аткаруучу директоруна сунуштарды даярдоо;
• ички көзөмөл тутумун өркүндөтүү боюнча сунуштарды иштеп чыгуу;
• Агенттиктин ишмердүүлүгүндөгү аудит жана ички көзөмөл маселелери боюнча корутундуларды даярдоо;
• ички аудит жана көзөмөл маселелери боюнча колдонуудагы мыйзамдарды жана аларды колдонуу тартибин түшүндүрүү;
• Агенттиктин тышкы аудитору, Кыргыз Республикасынын Эсептөө палатасы жана башка тышкы көзөмөлдөө органдары менен аларга ишенимдүү жана так маалыматтарды берүү максатында өз ара аракеттенүү;
• натыйжалуу ички көзөмөл тутумун камсыз кылуу үчүн зарыл болгон жана ички документтерде каралган башка маселелер.

Тандоого катышуу үчүн төмөнкү документтер скоросшивателге (Иш №) төмөнкү тартипте тигилип тапшырылат:

• сүрөтү менен резюме;
• негизги жана кошумча билимди (бар болсо) тастыктаган документтердин көчүрмөлөрү, нотариалдык күбөлөндүрүлгөн же акыркы жумуш орду боюнча күбөлөндүрүлгөн;
• эмгек китепчесинин көчүрмөсү (эгер жумуш тажрыйбасы бар болсо), нотариалдык күбөлөндүрүлгөн же акыркы жумуш орду боюнча күбөлөндүрүлгөн;
• илимий даража жана илимий наам ыйгаруу жөнүндөгү документтердин көчүрмөлөрү (бар болсо);
• ички аудитордун квалификациялык сертификатынын көчүрмөсү (сертификаттын түп нускасы менен бирге тапшырылат);
• соттуулугу жоктугу жөнүндө маалымкат.

Дареги: Бишкек ш., Москва көч., 190, тел.: 0312 456 456, 0995 555 720
Электрондук дареги: deposit@deposit.kg