Кыргыз Республикасынын Депозиттерди коргоо агенттигинде Кыргыз Республикасынын Башкы прокуратурасынын кызматкерлери тарабынан коррупцияга каршы күрөшүү жана коррупциялык тобокелдиктердин алдын алуу боюнча лекция өткөрүлдү.

Иш-чаранын жүрүшүндө коррупциянын алдын алуу, ага каршы биргелешип күрөшүү, коррупциялык көрүнүштөргө жол бербөө жана кызматтык милдеттерди ак ниет аткаруунун маанилүүлүгү тууралуу маалымат берилди.

Мындан тышкары, кызматкерлердин коррупциялык укук бузууларга карата жоопкерчилиги жана коррупцияга түрткү берүүчү факторлорду алдын алуу маселелери талкууланды.

Коррупцияга каршы күрөшүү — ар бирибиздин жалпы милдетибиз!