2024-жылдын 18-мартынан тартып 24-март күндөрү Кыргызстандын бардык аймактарында «Акча тапсаң – сакта, келечекке пайда» урааны алдында Глобалдуу акча жумалыгы – 2024 өткөрүлөт.

Иш-чаранын алкагында Кыргыз Республикасынын Улуттук банкы, мамлекеттик органдар, коомдук жана эл аралык уюмдар, коммерциялык банктар жана микрофинансылык уюмдар тарабынан:

• мектептерде финансылык сабаттуулук боюнча сабактар,
• жогорку окуу жайларда лекциялар жана тренингдер,
• ар кандай агартуу иш-чаралары өткөрүлөт.

Мындан тышкары, #GMWKyrgyzstan2024 хештеги менен социалдык тармактарда:

• экскурсиялар,
• коммерциялык банктарда ачык эшик күндөрү,
• балдардын сүрөттөрү жана видеороликтери боюнча сынактар,
• башка тематикалык иш-чаралар уюштурулат.

Глобалдуу акча жумалыгы – 2024 алкагында өткөрүлүүчү иш-чаралар тууралуу кеңири маалымат төмөнкү расмий сайттарда жана социалдык тармактарда жарыяланган:

• Кыргыз Республикасынын Улуттук банкы: www.nbkr.kg
• «Финсабат» порталы: www.finsabat.kg
• Кыргыз Республикасынын Депозиттерди коргоо боюнча агенттиги: www.deposit.kg
• Улуттук банктын социалдык тармактардагы расмий баракчалары

Маалымат үчүн:
Глобалдуу акча жумалыгы (Global Money Week) — бул балдардын жана жаштардын финансылык сабаттуулугун жогорулатуу максатында дүйнөнүн жүздөн ашуун өлкөсүндө жыл сайын өткөрүлүүчү эл аралык масштабдагы кампания.