Мыйзам долбоору Кыргыз Республикасынын Президентинин 2022-жылдын 10-августундагы ПЖ № 281 “Кыргыз Республикасынын Депозиттерди коргоо боюнча агенттигин банктарды жана башка финансылык-кредиттик уюмдарды жоюу жана көйгөйлүү зайымчылардын кайрылууларын кароо функцияларын берүү менен кайра уюштуруу жөнүндө” Жарлыгын аткаруу максатында даярдалган.

Мыйзам долбоорунда төмөнкүдөй өзгөртүүлөр сунушталган:

• банк тарабынан чыгарылган электрондук акчалай каражаттарды киргизүү жолу менен, ага ээлик кылган жеке жактардын жана жеке ишкерлердин депозиттерин камсыздандырылуусун кеңейтүү.
  • Агенттиктин функциялары (иш-милдеттери) төмөнкүдөй болуп кеңейтилди:

— мыйзамдарда белгиленген тартипте банктарды жана финансы-кредиттик уюмдардын жоючусу болот;

— Кыргыз Республикасынын Улуттук банкынын лицензиясын алган банктардын жана финансы-кредиттик уюмдардын көйгөйлүү заёмчуларынын кайрылууларын карайт;

— банктарды жана финансылык-кредиттик уюмдарды жоюу боюнча депозиттердин милдеттүү коргоонун натыйжалуу системасын камсыз кылуу үчүн зарыл башка иш-милдеттерди, ыйгарым укуктарды жана укуктарды ишке ашырат;

• Директорлор кеңешинин мүчөлөрүнө, Агенттиктин аткаруучу директорунун жана анын орун басарынын иш-милдеттерине жана квалификациялык талаптарына толуктоолор менен өзгөртүүлөр киргизилди.
• Агенттиктин уюштуруу түзүмүнө өзгөртүүлөр киргизилди.