Кыргыз Республикасынын Депозиттерди коргоо боюнча агенттигинин аткаруучу директору Кадырбек Букуев жана Агенттиктин башкы адиси Чыңгыз Танабаев депозиттерди коргоо системасынын иштешине жана финансылык сабаттуулукту жогорулатууга багытталган билим берүү лекцияларынын циклин өткөрүштү.
Көчмө иш-чара Ош мамлекеттик университетинин (ОшМУ) базасында өттү.
Жолугушуунун жүрүшүндө алар жарандардын аманаттарын сактоону камсыздоонун актуалдуу механизмдери, өлкөнүн банк системасынын туруктуулугун камсыз кылууда Агенттиктин ролу, ошондой эле жеке финансыны туура башкаруунун негизги аспектилери тууралуу кеңири айтып беришти.
Жалпысынан лекцияларга 120дан ашык угуучу катышты. Алардын ичинде аймактагы банк секторунун 50дөн ашык өкүлү, ошондой эле ОшМУнун студенттери менен профессордук-окутуучулук курамы бар. Катышуучулар практикалык билимдерди алып, ведомство жетекчисине түздөн-түз суроолорун бере алышты.
Кыргыз Республикасынын Депозиттерди коргоо боюнча агенттиги калктын финансы системасына болгон ишенимин жогорулатуу жана өлкөнүн аймактарында билим берүү демилгелерин кеңейтүү боюнча активдүү иштерин улантууда.
