2024-жылдын 23-октябрында Казакстан Республикасынын Алматы шаарында Камсыздандыруу (кепилдик) боюнча уюмдардын жетекчилеринин кеңешинин алдындагы санариптештирүү, автоматташтыруу жана маалыматтык технологиялар чөйрөсүндө өз ара аракеттенүү боюнча жумушчу топтун отуруму болуп өттү.
Ар кайсы өлкөлөрдүн депозиттерди камсыздандыруучуларынын ортосунда тажрыйба алмашуу депозиттерди камсыздандыруунун улуттук системаларын санариптештирүүнү өркүндөтүү жана шайкеш келтирүүдөгү маанилүү багыттардын бири болуп калышы мүмкүн. Жумушчу топтун отурумунун жүрүшүндө төмөнкү темалар боюнча баяндамалар угулду:
«Банкты убактылуу башкаруу, аны жоюу жана банкроттоо мезгилинде, ошондой эле иштеп жаткан банктарда маалыматтык подсистемаларды колдонуу» (баяндамачы – Россия Федерациясынын Депозиттерди камсыздандыруу агенттиги)
“SaIT Inspect” маалымат системасы – аманатчылардын реестринин шайкештигин текшерүү жол-жобосун автоматташтыруу” (баяндамачы – Казакстан Республикасынын Депозиттерди гарантиялоо фонду).
