Бүгүн Кыргыз Республикасынын Депозиттерди коргоо боюнча агенттиги тарабынан Демир Банк кызматкерлери үчүн Кыргыз Республикасындагы депозиттерди коргоо системасы тууралуу тренинг уюштурулду.

Иш-чаранын жүрүшүндө катышуучуларга депозиттерди коргоо системасынын иштөө принциптери, максаты жана кардарлардын кызыкчылыктарын коргоодогу маанилүү ролу тууралуу кеңири маалымат берилди.

Банк кызматкерлери тренингдин жогорку деңгээлде өткөнүн белгилеп, чоң таасир алгандыктарын жана мындай иш-чараларды кеңири аудитория үчүн өткөрүү зарылдыгын белгилешти.

Агенттик Демир Банкка кызматташтыгы жана активдүү катышуусу үчүн ыраазычылык билдирет.