2025-жылдын 21–22-майында Беларусь Республикасынын мамлекеттик мекемеси — Жеке адамдардын банктык аманаттарынын (депозиттеринин) кепилденген ордун толтуруу боюнча агенттиги тарабынан **Евразия экономикалык комиссиясы**нин Финансылык рыноктор боюнча консультативдик кеңешине караштуу,
Евразия экономикалык биримдигинин аймагында банктык аманаттарды (депозиттерди) камсыздандыруу (кепилдөө), кредиттик уюмдарды жоюу, финансылык жактан бутуна тургузуу жана кудуретсиздик (банкротчулук) жаатындагы мыйзамдарды шайкеш келтирүү маселелери боюнча эксперттик топтун кезектеги отуруму уюштурулду.

Аталган отурумга Кыргыз Республикасынын **Депозиттерди коргоо боюнча агенттиги**нин атынан аткаруучу директордун орун басары Байбосунов Н.М., ошондой эле Агенттиктин кызматкерлери Танабаев Ч.М. жана Шергазиев С.Ж. катышты.

Эксперттик топтун отуруму Беларусь Республикасынын аталган Агенттигинин башкы директорунун орун басары С.Г. Лега тарабынан айтылган саламдашуу сөзү менен башталып, андан соң жыйынды В.В. Ковалев — Евразия экономикалык комиссиясынын Каржы саясаты департаментинин Банк саясаты бөлүмүнүн башчысы расмий ачты.

Отурумдун жүрүшүндө төмөнкү негизги маселелер каралып, талкууланды:

• арыздарды онлайн жана арызсыз тапшырганда компенсация төлөө механизмдери;
• аманаттарды камсыздандыруу (кепилдик) боюнча уюмдардын мандаты;
• ЕАЭБге мүчө мамлекеттердин мыйзамдарын депозиттерди камсыздандыруу системаларынын иштеши жаатында шайкеш келтирүү боюнча макулдашылган сунуштар.