Депозиттерди камсыздандыруунун эл аралык ассоциациясы (ДКЭА). Португалиянын депозиттерди кепилдөө фонду тарабынан Лиссабон шаарында уюштурулган Аткаруучу кеңештин 83-жыйынын, жылдык конференциясын жана 24-жылдыктын жалпы жыйынын (Башкы Ассамблея) ийгиликтүү жыйынтыктады. Жыйындарга дүйнөнүн ар кайсы өлкөлөрүнөн депозиттерди камсыздандыруу боюнча уюмдардын өкүлдөрү катышып, жогорку белгисиздик жана санариптик трансформация доорунда финансылык коопсуздук тутумунун катышуучулары туш болгон негизги чакырыктарды талкуулашты.
2025-жылдын 28-ноябрында Депозиттерди камсыздандыруунун эл аралык ассоциациясынын Башкы Ассамблеясынын алкагында уюмдун жетекчи курамына байланыштуу маанилүү чечимдер кабыл алынып, бул ДКЭАнын эл аралык кызматташтык жана ар түрдүүлүк принциптерине берилгендигин дагы бир жолу тастыктады.
Башкы Ассамблея депозиттерди камсыздандыруу уюмунун (SEDESA, Аргентина) башкы директору Алехандро Лопести ДКЭАнын президенти жана ДКЭАнын Аткаруучу кеңешинин төрагасы катары экинчи үч жылдык мөөнөткө кайра шайлады.
Ошондой эле Башкы Ассамблея башкаруу түзүмүндөгү ар түрдүүлүккө берилгендикти сактоо менен ДКЭАнын Аткаруучу кеңешинин курамына 14 жаңы мүчөнү шайлады.
ДКЭАнын Аткаруучу кеңешинин курамына Кыргыз Республикасынын Депозиттерди коргоо агенттигинин аткаруучу директору Кадырбек Букуев шайланды.
ДКЭАнын Аткаруучу кеңешинин жыйынында Кадырбек Букуев ДКЭАнын Евразиялык аймактык комитетинин (ЕАК) төрагасы болуп 2 жылдык мөөнөткө бекитилди. Анын талапкерлиги ЕАРКнын мүчөлөрү тарабынан алдын ала шайланган. Бул дайындоо Кыргыз Республикасынын глобалдык депозиттерди коргоо тутумундагы ролунун өсүп жатканын жана ДКЭАнын Евразиялык аймактык комитетинин алкагында финансылык туруктуулукту чыңдоону баса белгилейт.