2023-жылдын 13-декабрында Кыргыз Республикасынын Депозиттерди коргоо боюнча агенттигинин кызматкерлери конок лекциясын уюштуруп, **Токмок шаарындагы Борбордук Азиянын Эл аралык университети**нин студенттерине депозиттерди коргоо системасы жөнүндө лекция окуп беришти.

Лекциянын жүрүшүндө депозиттерди коргоо тутумунун максаты, иштөө механизмдери, аманатчылардын укуктары жана кепилденген компенсациялар тууралуу маалымат берилди. Студенттер активдүү катышып, суроолорго толук жооп алышты.

Иш-чара жаштардын финансылык сабаттуулугун жогорулатууга жана банктык кызматтарды туура пайдалануу боюнча түшүнүктөрдү кеңейтүүгө багытталган.