2024-жылдын 27-февралында Кыргыз Республикасынын Депозиттерди коргоо боюнча агенттигинин кызматкерлери 2024 Глобалдык акча жумалыгынын алкагында **Ж. Баласагын атындагы Кыргыз улуттук университети**нин юридикалык факультетинин 4-курсунун студенттери үчүн депозиттерди коргоо системасы боюнча конок лекция өткөрүштү.

Лекциянын жүрүшүндө депозиттерди коргоо тутумунун укуктук негиздери, иштөө механизмдери, аманатчылардын укуктары жана кепилденген компенсациялар тууралуу маалымат берилди. Студенттер тарабынан берилген суроолорго кеңири жооптор сунушталды.

Иш-чара студенттердин финансылык-укуктук сабаттуулугун жогорулатууга жана келечектеги кесиптик ишмердүүлүгүнө пайдалуу билимдерди берүү максатын көздөдү.